پی ٹی آئی نے پیٹرولیم مصنوعات کی قیمتوں میں اضافہ ڈکیتی قرار دیدیا

رہنما تحریک انصاف فواد چوہدری کا کہنا ہے کہ پیٹرولیم مصنوعات کی قیمتوں میں اس قدر اضافے نے مڈل کلاس کو تباہ کر دیا ہے ہم پوری شدت سے اس آدھی رات کی ڈکیتی کو مسترد کرتے ہیں۔

ٹویٹر پیغام میں سابق وزیراطلاعات فواد چوہدری کا کہنا تھا کہ عوام اس نا اہل ٹیم کیخلاف احتجاج میں ہمارا ساتھ دیں۔

دسری جانب رہنما تحریک انصاف فرخ حبیب کا کہنا ہے کہ اپوزیشن میں تھے تو کہتے تھے عمران مہنگا پیٹرول بیچ رہا ہے اب حکومت میں آگئے تو کہہ رہے عمران خان عوام کو سستا پیٹرول دے رہا تھا۔

ٹویٹر پیغام میں فرخ حبیب نے حکومت کو مشورہ دیا کہ روس سے سستا تیل درآمد کرو، عوام پر پٹرول بم نہ گراؤ۔ انہوں نے حکومت سے سوال کیا کہ نہیں سنبھال سکتے تو سازش کے ذریعے حکومت کیوں لی تھی۔

واضح رہے کہ حکومت نے پیٹرولیم مصنوعات کی قیمتوں میں ایک بار پھر بڑا اضافہ کردیا، ڈیزل 59 روپے اور پیٹرول 24 روپے فی لیٹر مہنگا کردیا گیا۔

وزیر خزانہ مفتاح اسماعیل نے اسلام آباد مصدق ملک کے ہمراہ پریس کانفرنس کرتے ہوئے کہا کہ ہمیں مشکل فیصلے کرنا پڑیں گے، پہلے بھی مشکل فیصلے کئے اب بھی کریں گے، اپنے بھائیوں اور بہنوں نے معذرت چاہتے ہیں، پاکستان کو دیوالیہ کی طرف نہیں لے کر جانا چاہتے۔

خیال رہے کہ تقریباً 18 روز میں ڈیزل پر 129 روپے فی لیٹر جبکہ پیٹرول پر 84 روپے فی لیٹر اضافہ کیا جاچکا ہے۔

from Samaa - Latest News https://ift.tt/ZaNtAc4
via IFTTT