بھارت کے شہر حیدر آباد میں فوڈ ڈیلیوری بوائے نے کتے سے ڈر کر بلڈنگ سے چھلانگ لگا دی اور ہلاک ہوگیا۔
میڈیا رپورٹس کے مطابق ڈیلیوری بوائے کثیر المنزلہ عمارت کی تیسری منزل پر کھانا ڈیلیور کرنے گیا تھا۔ آرڈر کرنے والے گاہک کا کتا گھر میں کھلا گھوم رہا تھا اور ڈیلیوری بوائے کو دیکھتے ہی اس کے پیچھے پڑ گیا۔
اس نے ڈیلیوری بوائے پر حملہ کرنے کی کوشش کی جس کے خوف سے نوجوان نے تیسری منزل سے چھلانگ لگا دی۔
نوجوان کو فوری طور پر اسپتال منتقل کیا گیا تاہم گہری چوٹ اور خون زیادہ بہہ جانے کی وجہ سے وہ جانبر نہ ہو سکا اور چل بسا۔
پولیس نے کتے کے مالک کے خلاف مقدمہ درج کر کے معاملے کی تحقیقات شروع کر دی۔
from ARYNews.tv | Urdu – Har Lamha Bakhabar https://ift.tt/f7p4vJW
No comments:
Post a Comment