سابق جرمن فٹبالر اوزل نے بڑا اعلان کر دیا

سابق جرمن اور آرسنل کے مایہ ناز فٹبالر میسوٹ اوزل نے ریٹائرمنٹ کا اعلان کر دیا۔

فٹبال ورلڈ کپ کی فاتح ٹیم میں مڈفیلڈر کی ذمہ داریاں نبھانے والے میسوٹ اوزل نے 34 سال کی عمر میں ریٹائرمنٹ کا اعلان کیا ہے۔ ریال میڈرڈ اور آرسنل کے سابق فٹبالر برازیل 2014 میں کھیلے گئے ورلڈ کپ جیتنے والی جرمن ٹیم کے رکن تھے۔

اپنے ٹوئٹر اکاؤنٹ پر اعلان کرتے ہوئے فٹبالر نے لکھا کہ میں پروفیشنل فٹ بال سے اپنی فوری ریٹائرمنٹ کا اعلان کر رہا ہوں مجھے تقریباً 17 سالوں سے ایک پیشہ ور فٹ بال کھلاڑی ہونے کا اعزاز حاصل ہے اور میں اس موقع کے لیے ناقابل یقین حد تک شکر گزار ہوں۔

Thank you pic.twitter.com/Aqr4pB5SI2

— Mesut Özil (@M10) March 22, 2023

ان کا کہنا تھا کہ حالیہ ہفتوں اور مہینوں میں کچھ انجریز کا سامنا کرنے کے بعد یہ واضح ہو گیا ہے کہ اب فٹبال کو چھوڑنے کا وقت ہے۔

Ramadan Mubarak to all my Muslim brothers and sisters. May this special month bring peace & happiness to everyone pic.twitter.com/yREJWC5yCz

— Mesut Özil (@M10) March 22, 2023

اسٹار کھلاڑی میسوت اوزیل نے نسلی تعصب پرمبنی رویے کے باعث ٹیم میں کھیلنے سے انکار کردیا تھا۔ مسیوت اوزیل کا کہنا تھا کہ فٹبال ورلڈکپ 2018 میں جرمنی کی خراب کارکردگی کا الزام بھی ان پرہی عائد کیا جا رہا ہے۔

ترک نژاد جرمن فٹبالر اوزیل اور گوندوگان کی ترک صدر رجب طیب اردگان سے ملاقات کرنے اور تصویرلینے پرتنقید کا نشانہ بنایا گیا تھا۔ میسوت اوزیل نے ترک صدر کو اپنی دستخط کی ہوئی قیمض دی تھی جس پرلکھا تھا کہ میں اپنے معزز صدر کا بہت احترام کرتا ہوں۔

from ARYNews.tv | Urdu – Har Lamha Bakhabar https://ift.tt/vZCiosP