لاہور : پراسیکیوٹر جنرل پنجاب خلیق الزمان نے کہا ہے کہ پرویز الہٰی کے گھر پر پولیس اور اینٹی کرپشن کا چھاپہ خلاف قانون ہے۔
اے آر وائی نیوز سے گفتگو کرتے ہوئے انہوں نے کہا کہ چوہدری پرویزالٰہی کی کرپشن کیس میں ضمانت ہوچکی ہے، اس باوجود عدالت کےحکم کی خلاف ورزی کی جارہی ہے۔
خلیق الزمان نے کہا کہ عدالتی حکم کو ہوا میں اڑایا جارہا ہے، انہیں کوئی احساس ہی نہیں ہے کہ عدالت ضمانت دے چکی ہے، میرا عملہ پرویزالٰہی کے گھر پر موجود تھا، پولیس کو بتایا بھی کہ ضمانت ہوچکی ہے۔
پراسیکیوٹرجنرل پنجاب کا کہنا تھا کہ پولیس کی جانب سے سرٹیفائیڈ کاپی مانگی گئی جس کا طریقہ کار ہوتا ہے، ضمانت کا سرٹیفکیٹ پولیس کو دیا گیا اس کے باوجود اہلکار گھر میں داخل ہوگئے۔
انہوں نے کہا کہ پولیس جس طرح گھر میں داخل ہوئی خلاف قانون ہے، سرچ وارنٹ کے بغیر پولیس کیسے کسی کے گھر میں داخل ہوسکتی ہے؟ پرویزالٰہی سابق وزیراعلیٰ پنجاب ہیں گھر میں کس طرح داخل ہوئے۔
from ARYNews.tv | Urdu – Har Lamha Bakhabar https://ift.tt/qkuCGVp
No comments:
Post a Comment