کراچی، گذری میں ڈانس پارٹی پر پولیس کا چھاپہ

کراچی کے علاقے گذری میں پولیس نے ڈانس پارٹی پر چھاپہ مارا جس کی ویڈیو سوشل میڈیا پر وائرل ہوگئی۔

اے آر وائی نیوز کے مطابق پولیس کا کہنا ہے کہ 13 اکتوبر کی رات منعقد کی گئی ڈانس پارٹی پر رات گئے چھاپہ مارا گیا، چھاپے کے کچھ گھنٹے بعد مقدمہ درج کرکے 10 افراد کو گرفتار کیا گیا۔

پولیس کا بتانا ہے کہ ڈانس پارٹی کی جگہ سے شراب کی بوتلیں برآمد کی گئیں، بنگلے اور ساؤنڈ سسٹم کے مالکان کے خلاف مقدمہ درج کیا گیا۔

پولیس حکام کے مطابق ڈانس پارٹی میں شامل متعدد لڑکے اور لڑکیوں کو تنبیہ کرکے چھوڑ دیا گیا۔

واقعے کا مقدمہ تھانہ گزری میں ساؤنڈ ایکٹ،منشیات، دیگر دفعات کے تحت درج کیا گیا، ذرائع کا بتانا ہے کہ منتظمین نے پولیس، ضلعی انتظامیہ سے باقاعدہ تقریب کی اجازت لی تھی۔

ذرائع کا کہنا ہے کہ پولیس نے اجازت دینے کے بعد بھی چھاپہ مارا تھا۔

دوسری جانب پولیس کا موقف ہے کہ تقریب کی اجازت دی تھی منشیات، شراب نوشی کی اجازت نہیں دی گئی تھی۔

from ARYNews.tv | Urdu – Har Lamha Bakhabar https://ift.tt/OXmaR7K