اب تک الیکشن کمیشن کے فیصلے درست ہیں، چیف الیکشن کمشنر

اسلام آباد: چیف الیکشن کمشنر سکندر سلطان راجہ نے کہا ہے کہ صدر نے اچھے سے خوش آمدید کہا، اب تک الیکشن کمیشن کے فیصلے درست ہیں۔

چیف الیکشن کمشنر صحافی سے غیررسمی گفتگو کرتے ہوئے کہا کہ صدر عارف علوی نے ہمیں اچھی طرح ویلکم کیا جس کی تصویر آپ نے دیکھی ہونگی۔ ہم سمجھتے ہیں اب تک الیکشن کمیشن کے فیصلے درست ہیں۔

سکندر سلطان راجہ نے کہا کہ صدر سے ملنے سے انکار نہیں کیا نہ ملنے کا فیصلہ کمیشن کا تھا۔ سپریم کورٹ میں ہم نے11 فروری کی تاریخ دی تھی، ہم نے تو صدر مملکت کو خط میں بھی 11 فروری کی تاریخ دی۔

انھوں نے کہا کہ متفقہ فیصلہ ہوا کہ 8 فروری کوعام انتخابات ہوں، ہم نے تمام فیصلے مشاورت سے کیے۔ خیبرپختونخوا کابینہ تبدیل کرائی، وفاقی کابینہ کو نوٹس دیے۔ انتخابات میں فوج ہماری مدد کرے گی، اٹارنی جنرل ہمارے فیملی فرینڈ ہیں۔

صحافی نے سکندر سلطان سے سوال کیا کہ پولنگ ڈے اتوار کو کیوں نہیں رکھا؟ اس پر ان کا کہنا تھا کہ چلیں اس بہانے اسکول کے بچوں کو ایک اور چھٹی مل جائے گی۔

انھوں نے کہا کہ نگران حکومت بنانا نہیں چیک کرنا الیکشن کمیشن کا کام ہے، سی ڈی اے ممبرز کا جھگڑا ہوا میں کسی کو نہیں جانتا۔ ہم نے سی ڈی اے کے 2 ممبرز تبدیل کیے جو سب نے دیکھا۔

صحافی نے سوال کیا کہ آئی جی اسلام آباد اور ڈپٹی کمشنر اسلام آباد کیوں تبدیل نہیں ہورہے؟ جس پر چیف الیکشن کمشنر کا جواب دیتے ہوئے کہنا تھا کہ آپ دیکھتے جائیں۔

from ARYNews.tv | Urdu – Har Lamha Bakhabar https://ift.tt/8eCn5Ks