دادو میں شادی سے انکار پر باپ نے 16 سالہ بیٹی کو قتل کرکے خود کو بھی گولی مار کر زخمی کرلیا۔
اے آر وائی نیوز کے مطابق دادو کی تحصیل میہڑ بھنڈ ماڑی تھانہ کی حدود میں شادی سے انکار پر باپ نے بیٹی کو فائرنگ کرکے قتل کردیا اور بعد میں گولی مار کر خود کو بھی زخمی کرلیا۔
مقتولہ کی شناخت 16 سالہ فردوس رفیقاں کے نام سے ہوئی ہے۔
مقتولہ کے بھائی وسیم نے بتایا کہ والد بہن کی شادی اپنی مرضی سے کروانا چاہتے تھے، انکار پر یہ واقعہ پیش آیا۔
پولیس کا کہنا ہے کہ مقتولہ کی لاش کو ضابطے کی کارروائی کے لیے اسپتال منتقل کردیا گیا ہے، واقعے کی مزید تفتیش جاری ہے۔
واضح رہے کہ اس سے قبل گوجرانوالہ میں سفاک شخص نے بیوی اور 13 سالہ بیٹی کی جان لے لی تھی، ملزم کو اہل علاقہ نے پکڑنے کی کوشش کی لیکن وہ فرار ہوگیا تھا۔
ملزم بلال کو اس کے بھائی رات کو کویت جانے کے لیے ایئرپورٹ چھوڑ کر آئے تھے لیکن ملزم کویت جانے کی بجائے گھر واپس آگیا تھا۔
ذرائع کا بتانا تھا کہ گھر میں پہلے سے ایک نامعلوم شخص موجود تھا جو واردات سے پہلے فرار ہوگیا تھا جبکہ ملزم کا 9 سالہ بیٹا کمرے میں چھپ گیا تھا جس کی وجہ سے اس کی جان بچ گئی تھی۔
from ARYNews.tv | Urdu – Har Lamha Bakhabar https://ift.tt/ayBiCQg
No comments:
Post a Comment