’اسرائیلی یرغمالیوں کیلیے جو کر سکتے ہیں وہ کر رہے ہیں‘

امریکی ترجمان جان کربی نے کہا ہے کہ اسرائیل اور حماس میں یرغمالیوں کے ایک اور معاہدے کو آسان بنانے کے لیے ‘ہر وہ چیز جو ہم کر سکتے ہیں’ کر رہے ہیں۔

وائٹ ہاؤس کے قومی سلامتی کے ترجمان جان کربی نے ایک پریس بریفنگ میں کہا ہے کہ بائیڈن نے مصری صدر عبدالفتاح السیسی اور قطر کے امیر شیخ تمیم بن حمد الثانی سے "حماس کے ہاتھوں یرغمال بنائے گئے تمام افراد کی رہائی کے لیے کوششوں” کے بارے میں بات کی ہے۔

جان کربی نے کہا کہ ہم یرغمالیوں کے ایک اور معاہدے کو آسان بنانے کے لیے ہر ممکن کوشش کرتے رہتے ہیں جیسا کہ ہم نے نومبر میں کیا تھا، مشرق وسطیٰ کے لیے ہمارے کوآرڈینیٹر بریٹ میک گرک درحقیقت اس دوپہر کو خطے کے ہم منصبوں کے ساتھ بات چیت کے ایک اچھے ماحول سے واشنگٹن واپس آ رہے ہیں جس میں یقیناً قطری حکام کو شامل کیا جائے گا۔

ان کا کہنا تھا کہ ہم اس عمل کے بارے میں پُرامید ہیں لیکن ہمیں کسی فوری پیش رفت کی توقع نہیں کرنی چاہیے۔

ترجمان نے کہا کہ ہمارے خیالات [یرغمالیوں] کے ساتھ ہیں، یقیناً ان کے چاہنے والوں کے ساتھ ساتھ ان معصوم فلسطینیوں کے ساتھ جو اس جنگ میں پھنسے ہوئے ہیں۔

from ARYNews.tv | Urdu – Har Lamha Bakhabar https://ift.tt/1JzM9ct