جی ٹی روڈ پر ٹریفک حادثہ، 6 افراد جاں بحق، 4 زخمی

مرید کے: جی ٹی روڈ پر ہونے والے ٹریفک حادثے کے باعث 6 افراد جاں بحق جبکہ 4 شدید زخمی ہوگئی۔

اے آر وائی نیوز کے مطابق ریسکیو حکام کا کہنا ہے کہ کار اور ٹرک میں حادثہ راوی ریان یوٹرن کے قریب تیز رفتاری کے باعث ہوا، جبکہ جاں بحق ہونے والے کار سوار ملتان سے گوجرانولہ جارہے تھے۔

ریسکیو حکام کا کہنا ہے کہ تمام جاں بحق افراد کا تعلق ایک ہی خاندان سے تھا، افسوسناک حادثے میں جاں بحق ہونے والوں میں ظہیر، اہلیہ ارم، بیٹے ایان اور عبدالوہاب شامل ہیں۔

ریسکیو حکام کے مطابق حادثے کے نتیجے میں مرنے والوں میں شہباز اور ایمان بھی شامل ہیں۔ حادثے کے 4 زخمیوں میں سے شمیم، نسیم، خدیجہ کی حالت تشویشناک بتائی جارہی ہے۔

مسلح افراد نے این اے 56 کے آر او سے گن پوائنٹ پر سرکاری گاڑی چھین لی

جاں بحق اور زخمی افراد کو ٹی ایچ کیو اسپتال منتقل کر دیا گیا ہے، جبکہ ٹرک ڈرائیور فرار ہونے میں کامیاب ہوگیا ہے۔

from ARYNews.tv | Urdu – Har Lamha Bakhabar https://ift.tt/GL5qNby