شوبز انڈسٹری کے معروف اداکار و میزبان یاسر حسین نے اہلیہ اداکارہ اقرا عزیز کے حاملہ ہونے کی خبروں پر خاموشی توڑ دی۔
فوٹو اور ویڈیو شیئرنگ ایپ انسٹاگرام پر گزشتہ روز اداکار یاسر حسین کی اقرا عزیز کے ساتھ تصاویر شیئر کیں جس کے بعد یہ افواہیں گردش کرنے لگیں کہ اداکارہ امید سے ہیں۔
View this post on Instagram
تاہم اب یاسر حسین نے سوشل میڈیا پر چلنے والی تمام خبروں کو مسترد کرتے ہوئے سخت ردعمل دیا ہے۔
انہوں نے مقامی سوشل میڈیا پیج کا اسکرین شاٹ شیئر کرتے ہوئے تنقید کی اور لکھا کہ ’اللہ تعالیٰ کا حکم ہوگا تو جلد ’بچہ‘ ہوجائے گا ابھی نہیں ہورہا، ابھی آرام کریں۔
واضح رہے کہ یاسر حسین اور اقرا عزیز نے دسمبر 2018 میں شادی کی تھی اور جولائی 2021 میں اس جوڑی کے ہاں پہلے بیٹے کبیر حسین کی پیدائش ہوئی تھی۔
یاد رہے کہ اقرا عزیز اور یاسر حسین نے اے آر وائی ڈیجیٹل کے ڈرامہ سیریل ’جھوٹی‘ میں اداکاری کے جوہر دکھائے تھے جبکہ اقرا عزیز ڈرامہ سیریل ’برنس روڈ کے رومیو جیولٹ‘ میں مرکزی کردار نبھا رہی ہیں، لیڈ رول میں ان کے ہمراہ حمزہ سہیل شامل ہیں۔
ڈرامے کی ہدایت کاری کے فرائض فجر رضا نے انجام دیے ہیں جبکہ اس کی کہانی پریسا صدیقی نے لکھی ہے۔
from ARYNews.tv | Urdu – Har Lamha Bakhabar https://ift.tt/KtDSjI2
No comments:
Post a Comment