کامن ویلتھ گیمز کے باکسنگ مقابلے میں پاکستان کی فاطمہ زہرا نے کانسی کا تمغہ جیت لیا ہے۔
کامن ویلتھ گیمز میں 60 کلو گرام ویمن باکسنگ سیمی فائنل مقابلے میں فاطمہ زہرا کو کینیڈا کی باکسر نے شکست دی اور وہ فائنل میں نہ پہنچ سکیں۔
واضح رہے کہ کامن ویلتھ گیمز کی تاریخ میں پاکستان نے پہلی بار ویمن باکسنگ میں تمغہ حاصل کیا ہے۔
فاطمہ زہرا نے کامن ویلتھ گیمز کی ویمنز 60 کلوگرام کیٹیگری کے کوارٹر فائنل میں نیوزی لینڈ کی جارڈن ولسن کو یکطرفہ مقابلے کے بعد 0-5 سے شکست دے کر سیمی فائنل کے لیے کوالیفائی کیا تھا۔
یہ پڑھیں: ’’قوم آج میرے لیے دعا کرے‘‘، ارشد ندیم کا جیولین تھرو فائنل سے قبل ویڈیو پیغام
گلاسگو کے ایس ای سی ہال فائیو میں کھیلے گئے مقابلے میں فاطمہ زہرا نے تینوں راؤنڈز میں عمدہ کارکردگی کا مظاہرہ کیا اور پانچوں ججز نے انہیں فاتح قرار دیا۔
فاطمہ زہرا اس سے قبل اسلامک سالیڈیریٹی گیمز میں بھی پاکستان کیلئے برانز میڈل جیت چکی ہیں
from ARYNews.tv | Urdu – Har Lamha Bakhabar https://ift.tt/g8Wt2T6
No comments:
Post a Comment