مسجد الحرام اور مسجد نبوی شریف میں ختم القرآن کی پرنور رات، دنیا بھر میں امن وامان کیلئے دعائیں

مکہ مکرمہ : مسجد الحرام اور مسجد نبوی شریف مدینہ منورہ میں ختم القرآن کی پر نور رات میں بیس لاکھ افراد سے زائد نے شرکت کی، 29 شب کو ختم قرآن پر دنیا بھر میں امن وامان کیلئے دعائیں مانگی گئیں۔

تفصیلات کے مطابق مسجد الحرام مکہ مکرمہ اور مسجد نبوی شریف مدینہ منورہ میں رمضان المبارک کی انتسویں شب کو ختم قرآن کے روح پرور اجتماع ہوئے، جس میں بیس لاکھ سے زائد افراد نے پر نور رات میں شرکت کی۔

انتیسویں شب کو ختم قرآن پر دنیا بھر میں امن وامان کیلئے دعائیں مانگی گئیں، اس موقع پر سیکورٹی کے سخت انتظامات کئے گئے تھے۔

مسجد الحرام کے اجتماع میں خادم حرمین شریفین شاہ سلمان بن عبدالعزیز ، ولی عہد شہزادہ محمد بن سلمان سمیت اعلیٰ قیادت ، وزراء، علماء و مشائخ، شاہی خاندان کے افراد، گورنر مکہ مکرمہ، نائب گورنر پیش پیش تھے جبکہ مدینہ منورہ میں گورنر شہزادہ فیصل بن سلمان نے ختم قرآن کے تاریخی اجتماع کی نگرانی کی۔

حرمین شریفین کے ختم قرآن کے اجتماعا ت میں پاکستان، ہندوستان اور بنگلہ دیش کے مقیم شہری بھی کثیر تعداد میں موجود تھے۔

---

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

The post مسجد الحرام اور مسجد نبوی شریف میں ختم القرآن کی پرنور رات، دنیا بھر میں امن وامان کیلئے دعائیں appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2JJ9fjE