لکی مروت: مکان میں دھماکا‘ 4 افراد زخمی

لکی مروت : صوبہ خیبرپختونخواہ کے ضلع لکی مروت میں مکان میں دھماکے کے نتیجے میں 4 افراد زخمی ہوگئے۔

تفصیلات کے مطابق لکی مروت کے علاقے دال ملز کے قریب مکان میں زوردار دھماکا ہوا جس کے نتیجے میں 4 افراد زخمی ہوگئے۔

دھماکے کی اطلاع ملتے ہی ریسکیو ٹیمیں، بم ڈسپوزل اسکواڈ کے اہلکار اور پولیس کی بھاری نفری موقع پر پہنچی اور علاقے کو گھیرے میں لے لیا۔

پولیس کے مطابق زخمیوں کو ابتدائی طبی امداد کے لیے لکی سٹی اسپتال منتقل کیا گیا جہاں دو زخمیوں کی حالت نازک ہونے کے باعث انہیں پشاور منتقل کردیا گیا۔

خیال رہے کہ گزشتہ روز چمن کے مال روڈ پرسڑک کنارے کھڑی موٹرسائیکل میں دھماکہ ہوا جس کے نتیجے میں 4 افراد زخمی ہوگئے۔

عینی شاہدین کا کہنا تھا کہ دھماکہ اس وقت ہوا جب پولیس کی پیٹرولنگ کی گاڑی گزر رہی تھی، دھماکے کے بعد فائرنگ بھی کی گئی۔

سانحہ مستونگ کے مزید زخمی دم توڑ گئے‘ شہدا کی تعداد 149 ہوگئی

واضح رہے کہ 16 جولائی کو بلوچستان کے ضلع مستونگ کے علاقے درینگڑھ میں بلوچستان عوامی پارٹی کی کارنر میٹنگ میں خوفناک خودکش دھماکہ ہوا تھا جس میں انتخابی امیدوار سراج رئیسانی سمیت 149افراد شہید ہوئے۔

---

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

The post لکی مروت: مکان میں دھماکا‘ 4 افراد زخمی appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2O5ajRK