بیجنگ: چینی وزارت خارجہ نے پاکستان کے اقدام کی تعریف کرتے ہوئے کہا ہے کہ کرونا وائرس کے بعد پاکستان پہلا ملک تھا جس نے ہمارا ساتھ دیا۔
اے آر وائی نیوز کے مطابق چینی حکومت نے کہا ہے کہ کرونا وائرس کے بعد پاکستان پہلا ملک تھا جس نے چین کی حمایت کی، پاکستانی پارلیمان نے چینی حکومت کی کوششوں کی حمایت میں قراردادیں بھی پاس کیں۔
چینی وزارت خارجہ کی جانب سے کہا گیا کہ پاکستانی پارلیمان میں چینی کوششوں پر قرارداد دنیا میں اپنی نوعیت کا پہلا اقدام ہے، ہم اپنے شہریوں کی طرح چین میں موجود پاکستانیوں کا بھی اچھا خیال رکھیں گے۔
کرونا وائرس دنیا کے لیے بڑا خطرہ بن گیا، اموات 2619 ہو گئیں
خیال رہے کہ نہایت مہلک کرونا وائرس دنیا کے لیے بڑا خطرہ بن گیا ہے، چین، جاپان، تائیوان، ایران، اٹلی، فلپائن سمیت متعدد ملکوں میں کرونا وائرس سے اب تک اموات کی تعداد 2619 ہو چکی ہے، جب کہ 79 ہزار سے زائد افراد میں وائرس کی تصدیق ہو چکی ہے۔
قاتل وائرس نے ایران میں بھی 12 افراد کی زندگیاں نگل لیں، جب کہ 61 افراد میں وائرس کی تصدیق ہو چکی ہے، تہران سمیت کئی شہروں میں معمولات زندگی شدید متاثر ہے، عالمی ادارہ صحت نے صورت حال تشویش ناک قرار دے دی، ترکی،عراق اور افغانستان نے ایران کے ساتھ سرحد بند کر دی، افغان صوبے ہرات میں پہلے کیس کی تصدیق بھی ہو گئی ہے جس کےبعد ایمرجنسی نافذ کر دی گئی۔
from ARYNews.tv | Urdu – Har Lamha Bakhabar https://ift.tt/2Vqi0rT
No comments:
Post a Comment