لاہور: ٹیکسٹائل ملز مالکان اور حکومت کے درمیان بجلی بلوں کا تنازع شد ت اختیار کر گیا ہے، اپٹما نے پنجاب سمیت ملک بھر کی ملیں بند کرنے کا فیصلہ کر لیا۔
اے آر وائی نیوز کے مطابق برآمدی ٹیکسٹائل کی صنعت کو بجلی بلز میں رعایت ختم کرنے کے معاملے پر ٹیکسٹائل ملز مالکان اور حکومت کے درمیان تنازع شدت اختیار کر گیا ہے۔
آل پاکستان ٹیکسٹائلز ملز ایسوسی ایشن (اپٹما) نے وزیر اعظم عمران خان کو خط لکھ کر کہا ہے کہ پاور ڈسٹری بیوشن کمپنیز نے ملز مالکان کو 12 ماہ کے بلز بقایا جات بھجوا دیے، جسے ادا کرنے سے قاصر ہیں۔
ٹیکسٹائل تنظیموں کا ایک دن برآمدی سرگرمیاں بند کرنے کا اعلان
اپٹما کا کہنا تھا کہ تمام ملز مالکان نے اضافی بل دینے سے انکار کر دیا ہے، بارہ ماہ کے بقایا جات وزارت توانائی و پٹرولیم کا ظلم ہے، ہم کروڑوں روپے اضافی بل ادا نہیں کر سکتے۔
اپٹما نے خط میں کہا کہ ان حالات میں ٹیکسٹائل ملز نہیں چل سکتیں، اس فیصلے سے 10 لاکھ مزدور پنجاب میں بے روز گار ہو سکتے ہیں، حکومت کو اس سلسلے میں کچھ لوگ غلط مشورے دے رہے ہیں۔
یاد رہے کہ رواں ماہ 7 فروری کو اپٹما اور ویلیو ایڈڈ ٹیکسٹائل ایسوسی ایشن کے نمایندوں نے ریفنڈ کی فوری ادائیگی اور گیس ٹیرف میں کمی نہ کرنے کی صورت میں ہفتہ وار بنیادوں پر ایک دن برآمدی سرگرمیاں بند کرنے کا اعلان کیا تھا۔
from ARYNews.tv | Urdu – Har Lamha Bakhabar https://ift.tt/3c9xSoC
No comments:
Post a Comment