بالی ووڈ اسٹار کترینہ کیف اور وکی کوشل نے اپنی مہندی کی تقریب کے دوران لی گئی مزاحیہ اور دلچسپ تصاویر سوشل میڈیا پر شیئر کردیں۔
بالی ووڈ کی معروف اداکارہ کترینہ کیف کی تین روز شادی کی تقریبات راجھستان میں منعقد ہوئی تھی جس میں شریک افراد کے موبائل فون استعمال کرنے پر پابندی تھی تاکہ تصاویر اور ویڈیو لیک نہ ہوں تاہم اب اداکارہ اور ان کے شوہر اداکار وکی کوشل نے خود بھی تصاویر شیئر کرنا شروع کردیں ہیں۔
کترینہ کیف نے وکی کوشل سے رشتہ ازدواج میں منسلک ہونے کے کچھ دیر بعد کی عروسی جوڑا زیب تن کیے اپنی اور وکی کی تصاویر شیئر کردی تھیں، اب دونوں نے اپنی مہندی کی تقریب کی خوبصورت تصاویر مداحوں کے ساتھ شیئر کی ہیں، جس میں ڈرامہ، مزاح اور اہل خانہ کی محبت بھی واضح ہے۔
نوبیاہتہ جوڑے نے مہندی کی تصاویر فوٹو اینڈ ویڈیو شیئرنگ ایپلی کیشن انسٹاگرام پر شیئر کرتے ہوئے کیپشن دیا کہ ‘مہندی سجتی ہے تو سارا ٹبّر ناچتا ہے’۔
کترینہ کیف اور وکی کوشل شادی کے بندھن میں بندھ گئے
واضح رہے کہ کترینہ کیف اور اداکار وکی کوشل کی شادی 9 دسمبر کو راجستھان میں انجام پائی جس میں خاندان کے قریبی لوگ، دوست احباب اور کچھ شوبز شخصیات نے شرکت کی تھی۔
The post کترینہ کیف اور وکی کوشل نے رسم مہندی کی نئی تصاویر شیئر کردیں appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/33pAvTh
No comments:
Post a Comment