ویسٹ انڈیز کیخلاف ڈراپ کیے جانے پر سرفراز کا دل ٹوٹ گیا؟

کراچی: قومی ٹیم کے سابق کپتان سرفراز احمد کا ویسٹ انڈیز کے خلاف سیریز میں ڈراپ کیے جانے پر دل ٹوٹ گیا۔

تفصیلات کے مطابق قومی ٹیم کے سابق کپتان سرفراز احمد نے ویسٹ انڈیز کے خلاف ڈراپ کیے جانے پر سماجی رابطے کی ویب سائٹ ٹویٹر پر ردعمل دیا اور تھوڑی دیر بعد ٹویٹ ڈیلیٹ بھی کردیا۔

سرفراز کے ڈیلیٹ کیے گئے ٹویٹ کا اسکرین شاٹ سوشل میڈیا پر وائرل ہوگیا۔

سابق کپتان نے ٹویٹر پر شاعرانہ انداز میں ردعمل دیتے ہوئے لکھا تھا کہ ’کرتے ہیں میری خامیوں کا تذکرہ اس طرح، لوگ اپنے اعمال میں فرشتہ ہوں جیسے۔‘

واضح رہے کہ پاکستان اور ویسٹ انڈیز کے درمیان ون ڈے اور ٹی 20 سیریز 13 سے 22 دسمبر کے درمیان کھیلی جائے گی۔

سرفراز احمد کو ون ڈے اور ٹی 20 دونوں اسکواڈ میں شامل نہیں کیا گیا ہے۔

یاد رہے کہ سرفراز احمد کو بنگلہ دیش کے خلاف ٹی 20 سیریز کے آخری میچ میں موقع دیا گیا تھا لیکن وہ 12 گیندوں پر 6 رنز بنا کر پویلین لوٹ گئے۔

The post ویسٹ انڈیز کیخلاف ڈراپ کیے جانے پر سرفراز کا دل ٹوٹ گیا؟ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2ZV5JA9