قومی اور صوبائی اسمبلی کے 11 حلقوں میں انتخابی دنگل اتوار 16 اکتوبر کو سجے گا، جس کے انتظامات مکمل کرلیے گئے۔
تفصیلات کے مطابق قومی اسمبلی کے 8 اور صوبائی اسمبلیوں کے 3 حلقوں میں معرکہ ہوگا۔ خیبرپختونخوا میں 3 کراچی میں 2 قومی اسمبلی کے نشستوں پر ضمنی انتخابات ہورہے ہیں جبکہ پنجاب میں 3 قومی اور 3 صوبائی نشستوں پر انتخابات ہوں گے۔
الیکشن کمیشن نے سیکیورٹی اداروں کے متعلقہ انچارج کو مجسٹریٹ کے اختیارات تفویض کر دیے۔
الیکشن کمیشن نے سیکیورٹی داروں کو اہم ہدایات جاری کر دیں۔ الیکشن کمیشن حکام کے مطابق ہدایات وزارت داخلہ کی فراہم کردہ رپورٹس کی روشنی میں جاری کی گئی ہیں۔
پولنگ کے دن سیکیورٹی کے تین حصار رکھے گئے ہیں پولیس پہلے، رینجرز، ایف سی دوسرے اور فوج تیسرے سکیورٹی حصارکیلئے موجود رہے گی۔ پاک فوج ، رینجرز اور ایف سی کے ڈیوٹی انچارجز کو مجسٹریٹ درجہ اول کے اختیارات حاصل ہوں گے۔
ووٹرز کو ہر صورت پُرامن اور محفوظ ماحول کی فراہمی یقینی بنانے کی ہدایت کر دی گئی ۔ الیکشن کمیشن حکام کا کہنا ہے کہ پولنگ اسٹیشن کے باہر بے ضابطگیوں کی اطلاع پریذائڈنگ افسر کو دینا سیکیورٹی عملے کی ذمہ داری ہوگی۔ پریذائڈنگ افسر کے کارروائی نہ کرنے پر متعلقہ سیکیورٹی انچارج مجسٹریٹ کا اختیار استعمال کر سکے گا۔
from Samaa - Latest News https://ift.tt/UCaP1wW
via IFTTT
No comments:
Post a Comment