ٹی 20 ورلڈ کپ کے لیے کمنٹری پینل کا اعلان، مایہ ناز کمنٹیٹر شامل

آئی سی سی ٹی ٹوئنٹی ورلڈکپ 2022 کے لیے کمنٹری پینل کا اعلان کردیا گیا۔ پاکستان، انگلینڈ، نیوزی لینڈ، جنوبی افریقہ، بھارت, ویسٹ انڈیز اور دیگر ممالک کے کمنٹیٹرز فرائض انجام دیں گے۔

ٹی ٹوئنٹی ورلڈ کپ کے لیے آئی سی سی نے 29 رکنی کمنٹری پینل بنایا ہے، پاکستان سے بازید خان ٹی ٹوئنٹی ورلڈکپ کے کمنٹری پینل میں شامل ہیں۔

ان کے علاوہ ویسٹ انڈیز کے کارلوس براتھ ویٹ، انگلینڈ کے اوئن مورگن، ایڈم گلکرسٹ، اطہر علی خان، ڈیل اسٹین، ڈینی موریسن، مائیکل کلارک، مائیک ایتھرٹن، ناصر حسین، ای این بشپ بھی ورلڈکپ میں کمنٹری کریں گے۔

بھارت سے روی شاستری، پومی امبانگوا، سیموئل بدری، شین واٹسن اور سنیل گواسکر بھی کمنٹری پینل کا حصہ ہیں۔

خیال رہے کہ اس پینل میں پاکستان، بنگلہ دیش، زمبابوے، اسکاٹ لینڈ، سری لنکا اور آئرلینڈ کے صرف ایک، ایک کمنٹیٹر ہی شامل ہیں، جن میں بالترتیب بازید خان، اطہر علی خان، پومی بانگوا، پیٹرسن مومسین، رسل آرنلڈ اور نیل او برائن شامل ہیں۔

from ARYNews.tv | Urdu – Har Lamha Bakhabar https://ift.tt/4eMhXVj