چوہدری شجاعت حسین کا نوازشریف کو پاکستان نہ آنے کا مشورہ

سربراہ ق لیگ چوہدری شجاعت حسین نے قائد ن لیگ نوازشریف کو فی الحال پاکستان واپس نہ آنے کا مشورہ دیا ہے۔

سماء کے پروگرام دوٹوک بات میں گفتگو کرتے ہوئے چوہدری شجاعت حسین کا کہنا تھا کہ نوازشریف سے کچھ عرصہ پہلے بات ہوئی تھی، ان کو کہا تھا ابھی پاکستان نہ آئیں، حالات درست ہوں تو وطن آئیں۔

چوہدری شجاعت حسین کا کہنا تھا کہ عمران خان کو اس وقت امن کی ترغیب دینی چاہیے، وفاق اور پنجاب حکومت کو بھی کہوں گا تحمل سے کام لیں۔

ان کا کہنا تھا کہ پرویزالہٰی کی ذمہ داری ہے لیکن سب کو احساس ہونا چاہیے، بات آگے بڑھانے کے بجائے ختم کرنے کی کوشش کرنی چاہیے۔

سربراہ ق لیگ کا کہنا تھا کہ عمران خان نے کہا تھا پرامن مارچ کروں گا اسی کواپنائیں، لوگوں سے اپیل کریں کہ وہ پرامن احتجاج کریں، لوگوں سے اپیل کرنی چاہیے نہ کہ بدلے کی بات کریں۔

from Samaa - Latest News https://ift.tt/hqa8xos
via IFTTT