وفاقی دارالحکومت اسلام آباد میں پولیس گاڑی کی ٹکر سے ماں بیٹی جاں بحق جب کہ ایک لڑکی زخمی ہو گئی۔
پولیس نے مقدمہ حادثاتی موت کی دفعات کے تحت تھانہ آئی نائن میں درج کرلیا۔ جاں بحق خاتون کی شناخت ثریا بی بی اور بیٹی کی شناخت عالیہ بی بی کےنام سے ہوئی ہے۔
زخمی ہونے والی لڑکی کا نام بھی ثریابی بی ہے۔ خاتون بیٹی کیساتھ سری نگرہائی وے کراس کر رہی تھی کہ حادثہ پیش آ گیا۔
سری نگر ہائی وے پر پولیس کی گاڑی سے حادثے کا معاملہ۔۔ pic.twitter.com/IwLs9GEZLa
— Islamabad Police (@ICT_Police) November 28, 2022
سری نگرہائی وے پر پولیس کی گاڑی سے پیش آنے والے حادثے پر کیپٹل پولیس نے تفتیش شروع کر دی ہے۔ پولیس نے بیان میں کہا ہے کہ حادثے میں 2 قیمتی جانوں کا ضیاع ہوا جس پر افسوس ہے۔
پولیس نے وقوعہ کا مقدمہ درج کرکے ڈرائیور کو گرفتار کر لیا۔ آئی جی اسلام آبادنےوقوعہ کی میرٹ تفتیش جلد مکمل کرنے کے احکامات جاری کئےہیں۔
from ARYNews.tv | Urdu – Har Lamha Bakhabar https://ift.tt/4lgc3I9
No comments:
Post a Comment