اسلام آباد ہائی کورٹ نے وزیراعظم کے صاحبزادے سلیمان شہباز کو 13 دسمبر تک سرنڈر کرنے کا حکم دے دیا۔
اسلام آباد ہائی کورٹ نے ایف آئی اے کو وزیراعظم شہبازشریف کے بیٹے سلیمان شہباز کی گرفتاری سے روک دیا ہے، اور سلیمان شہباز کو 13 دسمبر تک سرنڈر کرنے کا حکم بھی دیا ہے۔
چیف جسٹس اسلام آباد ہائی کورٹ نے ریمارکس دیئے کہ سلیمان شہباز کی عدم موجودگی میں ضمانت نہیں دی جائے گی، سلیمان شہباز کو عدالت آنے پر نہ گرفتار کیا جائے۔
سلیمان شہباز کے وکیل امجد پرویز عدالت کے سامنے پیش ہوئے اور مؤقف پیش کیا کہ سلیمان شہباز اکتوبر 2018 سے بیرون ملک ہیں، اور ان کے جانے کے بعد ان کے خلاف ایف آئی آر درج ہوئی۔
عدالت نے ریمارکس دیئے کہ سلمان شہباز کی عدم موجودگی میں حفاظتی ضمانت نہیں دی جا سکتی۔
وکیل امجد پرویز نے استدعا کرتے ہوئے بتایا کہ سلمان شہباز 11 دسمبر کو سعودی ایئر لائن پر پاکستان واپس آئیں گے، ایئرپورٹ سے عدالت آنے تک سلیمان شہباز کی گرفتاری سے روک دیں۔
عدالت نے حکم دیا کہ سلیمان شہباز کو سرنڈر کرنے کیلئے ایئرپورٹ آمد پر گرفتار نہیں کیا جائے گا۔
from Samaa - Latest News https://ift.tt/BdVQ6EX
via IFTTT
No comments:
Post a Comment