پاکستان کا ایشین ہاکی چیمپئنز ٹرافی میں مایوس کن آغاز

پاکستان ہاکی ٹیم کو ایشین ہاکی چیمپئنز ٹرافی کے اپنے پہلے میچ میں ملائیشیا کے ہاتھوں شکست کا سامنا کرنا پڑ گیا۔

ایشین ہاکی چیمپئنز ٹرافی کا آغاز بھارت کے شہر چنئی میں ہو چکا ہے، ایونٹ میں کل چھ ٹیمیں ٹائٹل کے حصول کیلئے کوشاں ہیں۔

ایونٹ کے افتتاحی روز کھیلے گئے دوسرے میچ میں ملائیشیا نے پاکستان کو 1-3 سے شکست دی، میچ کے ہاف ٹائم تک ملائیشیا کو 0-2 کی برتری حاصل تھی جس کےبعد 44 ویں منٹ میں سلویرئس نے گول کر کے ملائیشیا کو 0-3 کی برتری دلا دی۔

پاکستان کی جانب سے میچ کے 55 ویں منٹ میں عبدالرحمان نے پہلا گول کیا۔

یاد رہے کہ قومی ہاکی ٹیم ایونٹ میں اپنا دوسرا میچ 4 اگست کو ساؤتھ کوریا کے خلاف کھیلے گی۔

واضح رہے کہ ایونٹ کا فائنل میچ 12 اگست کو کھیلا جائے گا۔

from Samaa - Latest News https://ift.tt/a3uTnSz
via IFTTT