وفاقی کابینہ نے بزنس، انویسٹر اور ورک ویزا پالیسی میں ترمیم کی منظوری دیدی

اسلام آباد : وفاقی کابینہ نے بزنس، انویسٹر اور ورک ویزا پالیسی میں ترمیم کی منظوری دے دی جس کے تحت ملک میں سرمایہ کاری کرنے والوں کو 6 ماہ کا بزنس ویزہ 24 گھنٹے میں جاری ہوگا۔

تفصیلات کے مطابق وفاقی کابینہ نے ویزا پالیسی میں ترامیم کی منظوری دے دی ہے جس کے بعد اب ایس آئی ایف سی کی سفارش پر6ماہ کیلئے بزنس ویزا فوری طور پر جاری کیا جائے گا۔

وفاقی حکومت نے ویزا پالیسی میں ترامیم کی منظوری دے دی، غیرملکی سرمایہ کاروں اور تجارتی مقاصد کیلئے ویزا پراسس میں بڑی سہولت فراہم کردی گئی۔

103ممالک کیلئے ویزا پالیسی میں ترمیم کی منظوری لی گئی، پاکستانی مشن 5سال کیلئے بزنس ویزا 24گھنٹوں میں جاری کرنے کے پابند ہوں گے، ایک سال کیلئے شارٹ ٹرم انویسٹر ویزا بھی24گھنٹوں میں جاری کیا جائے گا۔

ایس آئی ایف سی کی سفارش پر تین سال کا انویسٹر ویزا 24گھنٹوں میں جاری کیا جائے گا، 5سال کیلئے انویسٹر ویزا وزارت داخلہ 10دن میں جاری کرنے کی پابند ہوگی۔

2سال کیلئے ورک ویزا وزارت داخلہ سیکورٹی کلئیرنس ملنے کے بعد ایک ماہ میں جاری کرے گی۔

اسپیشل انوسمٹنٹ فیسیلیٹیشن کونسل کی کوششوں کے نتیجہ میں وفاقی کابینہ نے ویزا پالیسی میں ترامیم سرکولیشن سمری کے تحت منظور کرلیں۔

from ARYNews.tv | Urdu – Har Lamha Bakhabar https://ift.tt/tMQUPhx