حکومت کا پیٹرولیم مصنوعات کی قیمتوں میں کمی کا اعلان

اسلام آباد: حکومت نے پیٹرولیم مصنوعات کی قیمتوں میں کمی کا اعلان کردیا جس کا نوٹیفکیشن بھی جاری کردیا گیا ہے۔

اے آر وائی نیوز کے مطابق نگراں حکومت کی جانب سے پیٹرول کی فی لیٹر قیمت میں 8 روپے کمی کی گئی ہے جس کے بعد پیٹرول کی نئی قیمت 323 روپے 38 پیسے فی لیٹر ہوگئی ہے۔

حکومت کی جانب سے ڈیزل کی فی لیٹر قیمت میں 11 روپے کمی کی گئی ہے جس کے بعد ڈیزل کی نئی قیمت 318 روپے 18 پیسے فی لیٹر مقرر ہوگئی ہے۔

مٹی کے تیل کی قیمت 7 روپے 53 پیسے کم کی گئی ہے جس کے بعد نئی قیمت 237 روپے 28 پیسے ہوگی۔

لائٹ ڈیزل کی قیمت میں 7 روپے 77 پیسے فی لیٹر کمی کردی گئی ہے، لائٹ ڈیزل کی نئی قیمت 212 روپے 45 پیسے ہوگی۔

 

وزارت خزانہ کا کہنا ہے کہ روپے کی قدر میں بہتری سے پیٹرولیم مصنوعات سستی کی جارہی ہیں۔

واضح رہے کہ پیٹرولیم مصنوعات کی قیمتوں کا اطلاق رات 12 سے ہوگا جبکہ حکومت کی جانب سے ہر 15 روز بعد پیٹرولیم مصنوعات کی قیمتوں میں ردوبدل کیا جاتا ہے۔

from ARYNews.tv | Urdu – Har Lamha Bakhabar https://ift.tt/VkR9pLN