لاہور: پاکستان تحریک انصاف کے صدر پرویزالٰہی کے خلاف اینٹی کرپشن میں ایک اور مقدمہ درج کرلیا گیا، سابق وزیراعلیٰ پنجاب پر مقدمات کی تعداد 6 ہوگئی۔
تفصیلات کے مطابق اینٹی کرپشن کا کہنا ہے کہ مونس الٰہی اور اہلیہ تحریم الٰہی بھی ملزمان میں شامل ہیں۔ اینٹی کرپشن میں پرویزالٰہی کےخلاف مقدمات کی تعداد 6 ہوگئی ہے۔
اینٹی کرپشن نے بتایا کہ نیا مقدمہ شوگر ملز کا کرشنگ کوٹہ بڑھانے کے الزام میں درج کیا گیا ہے۔ سابق سیکریٹری ڈاکٹرخرم شہزاد سمیت 3 ملزمان شوگر ملز کے مقدمے میں گرفتار ہیں۔
سابق وفاقی وزیر خسرو بختیار کا بھائی مخدوم عمر شہریار مقدمے میں نامزد ہیں۔ سابق ڈی جی انڈسٹریز راؤ پرویز اختر، نوازچیمہ، منیرحسین اور عماد الدین بھی نامزد ہیں۔
ذرائع کا مزید کہنا تھا کہ سابق ڈی سی رحیم یار خان اور اے سی لیاقت پور سمیت 5 افسران کا تعین تفتیش کے بعد ہوگا۔
from ARYNews.tv | Urdu – Har Lamha Bakhabar https://ift.tt/Rk0ctd5
No comments:
Post a Comment