فوجی اکیڈمی پر ڈرون حملہ، 100 سے زائد جاں بحق

بیروت: شام کی ایک فوجی اکیڈمی میں ڈرون حملے کے نتیجے میں 100 سے زائد افراد جاں بحق ہوگئے۔

بین الاقوامی خبر رساں ادارے کا اس حوالے سے کہنا ہے کہ شام کے وزیر دفاع حملے سے کچھ دیر قبل ہی گریجویشن تقریب میں شرکت کے بعد اکیڈمی سے روانہ ہوئے تھے۔

اطلاعات کے مطابق 12 سالہ خانہ جنگی کے دوران یہ ڈرون حملہ سب سے خطرناک ہے جس میں شامی فوج کو ٹارگٹ کیا گیا ہے۔

شامی وزارت کے جاری کردہ بیان میں کہا گیا ہے کہ دہشت گردانہ حملے کیلئے ڈرون کا استعمال کیا گیا اور اس میں فوجی اور سویلین کی بڑی تعداد لقمہ اجل بن گئی۔

واضح رہے کہ فوجی اکیڈمی پر حملے کی ذمہ داری اب تک کسی بھی گروپ کی جانب سے قبول نہیں کی گئی ہے اور نہ ہی حکومت کی جانب سے کسی گروپ کا نام لیا گیا ہے۔

from ARYNews.tv | Urdu – Har Lamha Bakhabar https://ift.tt/gcv5E0e