یو اے ای: شہریوں کو مفت داخلے کی سہولت مل گئی

متحدہ عرب امارات میں موجود 200 سال پرانے شارجہ قلعے میں شہریوں کو مفت داخلے کی سہولت دیدی گئی ہے۔

غیر ملکی ذرائع ابلاغ کے مطابق شارجہ فورٹ جو 1823 کی ایک تاریخی یادگار میں شمار ہوتا ہے، اپنے 200 ویں سال کو متحدہ عرب امارات کے قومی دن کی تقریبات کے ساتھ منا رہا ہے۔

یہ مقامی کمیونٹی کو اپنے بھرپور ورثے اور اس کی دیواروں کے اندر موجود کہانیوں پر غور کرنے کا موقع فراہم کرتا ہے،یہ مشہور قلعہ اماراتی کمیونٹی کے ورثے کی علامت ہے۔

یہاں 1830 کی دہائی کے اوائل میں مردوف القوسیم کے جاری کردہ تاریخی سکے بھی ہیں، اوریہاں ایک شاہی بستر بھی ہے جو شیخہ مہرا محمد خلیفہ القاسمی کا تھا، اس میں 1841 کا قرآنی اسٹینڈ ہے،

قلعے کے اندر موجود نمایاں نمونوں میں سے ایک ”الرگاس” توپ ہے، جو 1811 سے شروع ہونے والی فوجی طاقت کی ایک زبردست علامت ہے۔

اس قلعے نے شارجہ کی تاریخ میں ایک اہم کردار ادا کیا، اس نے کئی سالوں سے مختلف چیلنجز کا سامنا کیا ہے۔

یہ قلعہ، قابل ذکر تعمیراتی خصوصیات کو ظاہر کرتا ہے، جس میں ساگون کی لکڑی کے دروازے، کھجور کی چھتیں شامل ہیں، نرم ہلکے بھورے پلاسٹر اور خلیج عرب کے مرجان پتھروں کے ساتھ تعمیر کیا گیا ہے۔

اس میں دو سطحیں، ایک وسیع مرکزی صحن، اور تین دفاعی ٹاورز ہیں، ہر ایک کی اپنی منفرد تاریخ ہے، قلعے کو 1969 میں انہدام سے بچایا گیا، قلعہ کو احتیاط سے بحال کیا گیا اور ایک میوزیم میں تبدیل کر دیا گیا۔

اس تاریخی قلعہ کی 200 ویں سالگرہ کی تقریبات اس کی پائیدار میراث کا ثبوت ہیں،شارجہ کا قلعہ خطے کی تاریخ اور ثقافتی ورثے کی گواہی دیتا ہے، جو زائرین کو متحدہ عرب امارات کے ماضی اور حال میں اس کی اہمیت کی یاددہانی کرواتا ہے۔

from ARYNews.tv | Urdu – Har Lamha Bakhabar https://ift.tt/3hwntsF