’میں ہوتا تو بھارت کے خلاف پانچ وکٹیں‌ لیتا‘

قومی ٹیم کے نوجوان فاسٹ بولر احسان اللہ کا کہنا ہے کہ میں ہوتا تو بھارت کے خلاف لازمی وکٹیں لیتا۔

قومی ٹیم کے فاسٹ بولر احسان اللہ نے نجی ٹی وی سے گفتگو کرتے ہوئے کہا کہ الحمدللہ پی سی بی نے میری سرجری کروائی بہت اچھی ہوئی ہے، میں ورلڈ کپ میں بھی اچھی پرفارمنس دیتا لیکن انجرڈ ہوگیا۔

انہوں نے کہا کہ میری فٹنس میں بہتری آرہی ہے کوشش ہوگی کہ ملک کے لیے کھیلوں اور اب زیادہ لیگز نہیں کھیلوں۔

احسان اللہ نے کہا کہ بھارت کے خلاف میچ کا حصہ نہیں ہوں اگر میں ہوتا تو پانچ وکٹیں لیتا لیکن افسوس ہے ٹیم کا حصۃ نہیں اب کچھ نہیں کرسکتے انشا اللہ ٹی 20 ورلڈ کپ آرہا ہے اس میں کم بیک اچھا کروں گا۔

فاسٹ بولر کی کارکردگی سے متعلق احسان اللہ نے کہا کہ ’شاہین آفریدی اچھے بولر ہے، حسن علی کی وکٹیں حاصل کرنے پر خوشی ہے وہ دوسری ٹیم پر دباؤ لاتے ہیں۔

احسان اللہ نے کہا کہ حارث کے پاس 150 کی اسپیڈ ہے جو بہت بڑا پیس ہے اس سے بیٹسمین ہلتا ہے۔

پاک بھارت ٹاکرے سے متعلق احسان اللہ نے کہا کہ ہماری بولنگ لائن اچھی ہے، رضوان اور عبداللہ شفیق نے بھی سنچری اسکور کی ہے انشا اللہ بھارت کے خلاف ہم ون سائیڈ میچ جیتیں گے۔

احسان اللہ نے کہا کہ کوشش ہے کہ جلد اپنے آپ کو فٹ کروں اور ملک کے لیے کھیلوں۔

واضح رہے کہ احسان اللہ کہنی کی انجری کا شکار تھے گزشتہ دنوں ہی ان کا آپریشن ہوا ہے اور وہ تاحال کرکٹ سے دور ہیں۔

from ARYNews.tv | Urdu – Har Lamha Bakhabar https://ift.tt/azrERfx