پنجاب میں گھریلو جھگڑے پر بیوی نے بہن کے ساتھ مل کر شوہر کو قتل کردیا۔
اے آر وائی نیوز کے مطابق پنجاب کے شہر عارف والا کے علاقے قبولہ میں گھریلو ناچاقی پر بیوی نے بہن کے ساتھ مل کر شوہر کو موت کے گھاٹ اتار دیا۔
پولیس نے ملزمہ کی نشاندہی پر 2 ماہ بعد باقیات برآمد کرلیں۔
پولیس کا کہنا ہے کہ خواتین نے لاش کو گھر میں گڑھا کھود کر دفنایا اور اغوا کا کا ڈرامہ رچایا۔
تفتیشی حکام کا کہنا ہے کہ ہمسایوں نے شک کی بنیاد پر واقعے کی اطلاع دی تھی، خواتین نے دوران تفتیش قتل کا اعتراف کرلیا ہے۔
واضح رہے کہ روال سال ستمبر میں بنوں کے تھانہ منڈان کی حدود میں بیوی نے شوہر کو کلہاڑی کے وار کرکے قتل کر دیا تھا۔
پولیس کا کہنا تھا کہ تھانہ منڈان کی حدود علاقہ کریم خان بائست خیل میں بیوی نے گھریلو ناچاقی پر خاوند کو کہاڑی کے پے درپے وار کرکے موت کے گھاٹ اتار دیا۔
مقتول شوہر محمد روشان ولد اول خان کی عمر 42 سال تھی، واردات کے بعد ملزمہ کو پولیس نے گرفتار کرلیا تھا۔
from ARYNews.tv | Urdu – Har Lamha Bakhabar https://ift.tt/iH9O1s5
No comments:
Post a Comment