اے آر وائی نیوز کے پروگرام سرعام کے میزبان اور تحقیقاتی صحافی اقرار الحسن نے جعلی پیر حق خطیب کی شعبدہ بازیوں اور چالاکیوں کا پردہ چاک کرنے کا سلسلہ جاری رکھا ہوا ہے۔
سرعام کے تیسرے پروگرام میں بھی انہوں نے شعبدہ بازی کے ذریعے سادہ لوح عوام کو گمراہ کرنے اور انہیں لوٹنے والے پیر حق خطیب کی ویڈیو میں دکھائے جانے والے کرتبوں کی حقیقت بے نقاب کردی۔
انہوں نے پیر حق خطیب کی طرح ایک مرد اور خاتون (بظاہر مریض) کی آنکھوں سے سونے کی چین نکال کر دکھائی جبکہ ایک اور شخص کی آنکھ سے دو موتی سب کے سامنے نکال کر دکھائے۔
ان کا کہنا تھا کہ اگر آنکھ سے موتی نکالنا کسی کے پیر ہونے کی دلیل ہے تو میں نے بھی ایک شخص کی آنکھ سے ایک کے بجائے دو موتی نکال کر دکھائے ہیں۔
View this post on Instagram
اقرار الحسن نے کہا کہ میری یہ مہم اس سچ کو سامنے لانے کیلئے ہے جسے پیر حق خطیب اپنے جھوٹ کے ذریعے پھیلا کر لوگوں کو گمراہ کر رہا ہے۔
انہوں نے بتایا کہ پروگرام کی ریکارڈنگ کے دوران ایسے بہت سے لوگ ملے جنہوں نے بتایا کہ اس جعلی پیر نے ہمارے مریض کا علاج رکوا دیا اور وہ تکالیف سہتے سہتے اس دنیا سے رخصت ہوگئے۔
انہوں نے پیر حق خطیب عرف شف شف والی سرکارکو کھلا چیلنج دیتے ہوئے کہا کہ وہ جہاں اور جب چاہیں کسی بھی کیمرے کے سامنے ہمارے اس کرتب کو جھٹکلا کر دکھائیں۔
اقرار الحسن نے مریض کے منہ سے گولیاں، سوئیاں اور کیلیں نکال دیں۔۔ پیر حق خطیب کی نام نہاد کرامت بے نقاب#ARYNews #SareAam @iqrarulhassan pic.twitter.com/vFDUL7yPGg
— ARY NEWS (@ARYNEWSOFFICIAL) January 23, 2024
from ARYNews.tv | Urdu – Har Lamha Bakhabar https://ift.tt/fm6h12N
No comments:
Post a Comment