پاکستان کی جانب سے شام میں ایرانی سفارت خانے کے قونصلر سیکشن پر حملے کی شدید مذمت کی گئی ہے۔
تفصیلات کے مطابق ترجمان دفتر خارجہ کا کہنا تھا کہ حملہ شام کی خودمختاری کی ناقابل قبول خلاف ورزی ہے، حملہ شام کی سلامتی اوراستحکام کو نقصان پہنچاتا ہے۔ ایرانی سفارت خانے پر حملہ عالمی قوانین اور یو این چارٹر کی خلاف ورزی ہے۔
پاکستانی دفترخارجہ نے اپنے بیان میں کہا کہ متاثرین اور ایرانی حکومت کے لیے اپنی دلی تعزیت پیش کرتے ہیں۔ ویانا کنونشن کے تحت سفارت کاروں یا سفارتی سہولیات کے خلاف حملے بھی غیرقانونی ہیں۔
ترجمان نے کہا کہ اسرائیلی افواج کا غیر ذمہ دارانہ عمل پہلے سے ہی عدم استحکام کا شکار خطے میں ایک بڑا اضافہ ہے۔
پاکستان نے کہا کہ سلامتی کونسل اسرائیل کو خطے میں مہم جوئی اور پڑوسیوں پرحملہ کرنے سے روکے۔ اسرائیل کو سفارتی تنصیبات کو نشانہ بنانے کے غیر قانونی اقدامات سے روکا جائے۔
from ARYNews.tv | Urdu – Har Lamha Bakhabar https://ift.tt/Org9f4Y
No comments:
Post a Comment