کراچی کے جناح انٹرنیشنل ایئرپورٹ کے ڈومیسٹک اور انٹرنیشنل ڈپارچر اور آرائیول لاونج میں پانی کی لائن پھٹ گئی۔
ذرائع کے مطابق پائپ لائن پھٹنے سے انٹرنشنل ڈپارچر لاونج اور ایمیگریشن کاونٹرز کے سامنے جمع ہو گیا ہے۔ انٹرنشنل لاونج میں پانی بھر جانے سے عملے اور مسافروں کو مشکل کا سامنا ہے۔
ایئرپورٹ اتھارٹی کا عملہ بالٹیوں اور وائپرز کے ذریعے پانی نکالنے کی کوشش کر رہا ہے۔ ذرائع کا کہنا ہے کہ جناح ٹرمینل پر فائر فائٹنگ کی پائپ لائن پھٹ گئی ہے۔
ترجمان سول ایوی ایشن کے مطابق پانی کا لیکیج روکنے کیلئے جناح ٹرمینل بلڈنگ کی مغربی سمت کے پانی کے وال بند کر دیئے ہیں پائپ لائن کا لیکیج ڈھونڈنے کی کوشش کی جا رہی ہے۔
ترجمان کا کہنا ہے کہ پائپ لائن کی مرمت کا کام جلد مکمل کر لیا جائے گا، جناح ٹرمینل پر مسافروں کیلئے میٹ بجھا کر راستہ بنا دیا گیا۔
انہوں نے واضح کیا کہ جناح ٹرمینل پر آپریشن متاثر نہیں ہوا ہے اور ایئرپورٹ پر تمام سرگرمیاں معمول کے مطابق جاری ہیں۔
from ARYNews.tv | Urdu – Har Lamha Bakhabar https://ift.tt/RTyNxwk
No comments:
Post a Comment