مخالف کے مرغے کی تعریف، ملزم نے لڑکے کی آنکھ ضائع کردی

ساہیوال میں مخالف کے مرغے کی تعریف کرنے پر ملزم نے 16 سالہ لڑکے کی آنکھ ضائع کردی۔

اے آر وائی نیوز کے مطابق ساہیوال میں مخالف شخص کے مرغے کی تعریف کرنے پر تھانہ ڈیڑہ رحیم کے علاقے 43 نو ایل میں ملزم نے حملہ کرکے 16 سالہ لڑکے اصغر علی کی آنکھ ضائع کردی۔

متاثرہ لڑکے کو تشویش ناک حالت میں ٹیچنگ اسپتال منتقل کردیا گیا۔

پولیس کو دی جانے والی درخواست کے مطابق 16 سالہ طالب علم اصغر علی نے گاؤں میں مرغوں کی لڑائی کے دوران ملزم کے مخالف لڑنے والے مرغے کی تعریف کی جس کے رنج میں ملزم  رحمان نے بازار جاتے ہوئے 16 سالہ طالب علم اصغر علی پر حملہ کردیا۔

اس دوران لڑائی میں ملزم کا مکا لگنے سے طالب علم کی ایک آنکھ ضائع ہو گئی، طالب علم کو شدید زخمی حالت میں ٹیچنگ اسپتال منتقل کیا گیا جہاں اصغر علی کی ایک آنکھ کی بینائی متاثر ہونے پر ڈاکٹروں نے اسے لاہور ریفر کردیا۔

متاثرہ طالب علم اصغرعلی کے والد  نے واقعے کی ایف آئی آر کیلئے تھانہ ڈیرہ رحیم میں درخواست  دے دی اور  وزیراعلیٰ پنجاب اور پولیس حکام سے انصاف کی اپیل کی ہے۔

from ARYNews.tv | Urdu – Har Lamha Bakhabar https://ift.tt/2KCbRnp