کانسٹیبل سے آئی جی تک بلوچستان، کے پی پولیس کی تنخواہ میں کتنا فرق؟ اہم انکشاف

پشاور: ایس پی رینک سے آئی جی کی پوسٹ تک بلوچستان اور خیبر پختونخوا پولیس کی تنخواہ میں کتنا فرق ہے، دستاویز میں تفصیلات سامنے آگئیں۔

آئی جی خیبر پختونخوا نے پولیس فورس کی تنخواہیں بڑھانے کیلئے وزیراعلیٰ کو خط لکھا ہے، خط میں کہا گیا کہ خیبر پختونخوا پولیس نے دہشت گردی کےخلاف بہت قربانیاں دی ہیں، کےپی پولیس کا دیگر صوبوں کی پولیس کے مقابلےمیں تنخواہ کا پیکج کم ہے۔

دستاویز میں بتایا گیا ہے کہ آئی جی بلوچستان کی تنخواہ آئی جی کےپی سے 3 لاکھ 69 ہزار 498 روپے زیادہ ہے، بلوچستان اور کے پی ایس پی کی تنخواہ میں 2 لاکھ 21 ہزار 196 روپے کا فرق ہے۔

مراسلہ میں بتایا گیا کہ بلوچستان اور کےپی ایس ایس پی، اےآئی جی کی تنخواہ میں 2 لاکھ 81 ہزار 177 روپے کا فرق ہے۔

دستاویز میں بتایا گیا کہ کےپی اور بلوچستان ڈی آئی جی کی تنخواہ میں 3 لاکھ 6 ہزار 474 روپے کا فرق ہے، کےپی اور بلوچستان کے ایڈیشنل آئی جی کی تنخواہ میں 3 لاکھ 22 ہزار 309 روپے کا فرق ہے۔

بلوچستان میں کانسٹیبل کی تنخواہ 69 ہزار 885 جبکہ کےپی پولیس کانسٹیبل کی تنخواہ 69 ہزار 127 ہے، بلوچستان اور خیبر پختونخوا کے اےایس آئی کی تنخواہ میں 345 روپے کا فرق ہے۔

دستاویز میں بتایا گیا کہ کےپی اور بلوچستان میں سب انسپکٹر کی تنخواہ میں 1606 روپے کا فرق ہے، انسپکٹر کی تنخواہ میں 363، ڈی ایس پی، اے ایس پی کی تنخواہ میں 14 ہزار 540 روپے کا فرق ہے۔

تنخواہوں کے حوالے سے دستاویز میں مزید بتایا گیا کہ پنجاب اور سندھ کے پولیس اہلکاروں، افسران کی تنخواہیں بھی کےپی پولیس سے زیادہ ہیں۔

from ARYNews.tv | Urdu – Har Lamha Bakhabar https://ift.tt/q4V1WwO