کس ٹیم کا پی ایس ایل چیمپئن بننا مشکل ہے؟ سابق کرکٹر نے بتادیا

سابق کرکٹر کامران اکمل نے کہا ہے کہ اس بار کوئٹہ گلیڈی ایٹرز کا چیمپئن بننا مشکل لگ رہا ہے، لاہور کےخلاف جیتنا آسان نہیں ہوگا۔

اے آر وائی نیوز کے پروگرام ہرلمحہ پرجوش میں گفتگو کرتے ہوئے سابق قومی وکٹ کیپر کامران اکمل نے کہا کہ لاہور نے جس طرح کم بیک کیا ٹیموں کو قریب نہیں آنے دیا، کوئٹہ گلیڈی ایٹرز کےلیے لاہور کےخلاف جیتنا آسان نہیں ہوگا، لاہور قلندرز کےلیے فخر زمان کی فارم ضروری ہے۔

کامران اکمل نے کہا کہ لاہور قلندرز کی بالنگ بھی مضبوط ہوگئی ہے، فائنل کا جو ٹاس جیتےگا 80 فیصدامکان ہے فاتح بھی ہو۔

سابق کرکٹر باسط علی نے کہا کہ پی ایس ایل فائنل کون جیتے گا یہ کہنا مشکل ہے، لاہور اور کوئٹہ دونوں برابر کی ٹیمیں ہیں، لگتا یہی ہے کوئٹہ پی ایس ایل 10 کی چیمپئن بنےگی

باسط علی کا کہنا تھا کہ شاہین نے اپنی ٹیم بنائی، لوکل کھلاڑی اچھا کھیل رہےہیں، کراچی کنگز کے انٹرنیشنل کھلاڑی اچھا پرفارم کررہے تھے، پی ایس ایل فائنل اچھا ہونا چاہیے، میچ آخری اوورتک جانا چاہیے۔

’میں چاہتا ہوں سرفراز احمد کی گلیڈی ایٹرز پی ایس ایل 10کا ٹائٹل جیتے‘

from ARYNews.tv | Urdu – Har Lamha Bakhabar https://ift.tt/Kk4TyeY