شوبز انڈسٹری کے سینئر اداکار راشد محمود نے طبیعت ناساز ہونے پر مداحوں سے دعاؤں کی اپیل کردی۔
راشد محمود پی ٹی وی دور کے سینئر اداکار ہیں جو شاہین، کاجل گھر، اندھیرا اُجالا، مرزا غالب، ریاست، محبت روٹھ جائے تو اور دیگر کلاسک ڈراموں میں اداکاری کے لیے مشہور ہیں۔
اداکار بنیادی طور پر منفی کردار کے لیے جانے جاتے ہیں۔
حال ہی میں راشد محمود نے مداحوں کے ساتھ ایک ویڈیو شیئر کی ہے جس میں انہوں نے اپنی بیماری کے بارے میں کھل کر بات کی، سینئر اداکار نے اپنی صحت کا بتاتے ہوئے مداحوں سے دعاؤں کی درخواست بھی کی۔
اداکار نے کہا کہ میں گزشتہ بیس دنوں سے بستر پر ہوں، میں پہلے ہی دل کا مریض تھا جب مجھے ورٹیبرا کے مسائل کی تشخیص ہوئی تو میں نے کئی علاج کروائے، پہلے مجھے اسپتال کے ایمرجنسی ڈیپارٹمنٹ میں لے جایا گیا،جہاں میرے ٹیسٹ کیے گئے اب میرے موہروں کا مسئلہ ہے۔
راشد محمود نے کہا کہ علاج کے بعد کچھ چلنے کے قابل ہوا ہوں، میری مداحوں سے اپیل ہے کہ میری صحت یابی کے لیے دعا کریں تاکہ کچھ کام کرنے کے قابل ہوسکوں۔
from ARYNews.tv | Urdu – Har Lamha Bakhabar https://ift.tt/cTDFiYy
No comments:
Post a Comment