پاکستان کے کپتان سلمان علی آغا پہلے میچ کی پچ دیکھ کر حیران ہوگئے، ٹاس کے موقع پر انھوں نے کھل کر اپنی حیرانی ظاہر کردی۔
اے آر وائی نیوز کے مطابق قومی ٹی ٹوئنٹی کپتان سلمان علی آغا نے ورلڈکپ کے پہلے میچ کی پچ پر حیرانگی کا اظہار کیا ہے، انھوں نے ٹاس کے موقع پر گفتگو کرتے ہوئے کہا کہ پہلی بار سری لنکا میں وکٹ پر اتنی گھاس دیکھی ہے۔
سلمان علی آغا نے کہا کہ پچ کو دیکھتے ہوئے تین پیسرز کو کھلانے کا فیصلہ کیا، اسپن اور فاسٹ ٹریک دونوں پر ہم آؤٹ کرنے کی اہلیت رکھتے ہیں۔
یہ بھی پڑھیں: ٹی 20 ورلڈ کپ میں پاکستان کا فاتحانہ آغاز، فہیم اشرف کی شاندار اننگز کی بدولت نیدرلینڈ کو شکست
انھوں نے کہا کہ پچ کے مطابق آج ہم نے تین فاسٹ بولر کو ٹیم کا حصہ بنایا ہے جو اپنا کام بخوبی کرسکتے ہیں، اس کے علاوہ اسپن ڈپارٹمنٹ میں ہمارے پاس کافی آل راؤنڈرز موجود ہیں۔
خیال رہے کہ آئی سی سی ٹی ٹوئنٹی ورلڈ کپ کے افتتاحی میچ میں پاکستان نے فہیم اشرف کی شاندار بیٹنگ کی بدولت نیدرلینڈ کو 3 وکٹوں سے شکست دی۔
from ARYNews.tv | Urdu – Har Lamha Bakhabar https://ift.tt/ag51Gl7
No comments:
Post a Comment