انگلش ٹیم کے کپتان معین علی نے دوسرے ٹی 20 میچ میں شکست کے بعد ٹیم میں تبدیلیوں کا عندیہ دے دیا۔
دوسرے ٹی 20 میچ میں شکست کے بعد میڈیا سے گفتگو کرتے ہوئے کپتان معین علی نے کہا کہ ہم اچھا نہیں کھیلے اور کیچز بھی ڈراپ ہوئے ہیں تیسرے میچ میں ہم تبدیلیاں کریں گے۔
انہوں نے کہا کہ ہماری کوشش تھی کہ پارٹنرشپ توڑیں مگرایسا نہ ہوسکا بابر اور رضوان نے اچھی کرکٹ کھیلی ہے۔
بابر اعظم کے سوال پر معین علی نے کہا کہ بابر کے اسٹرائیک ریٹ کو تنقید کا سامنا تھا لیکن مجھے نہیں لگتا کہ ان کا اسٹرائیک ریٹ برا ہے۔
Moeen Ali talks to the media after the second T20I in Karachi.#PAKvENG | #UKSePK https://t.co/ecl5dGzNFa
— Pakistan Cricket (@TheRealPCB) September 22, 2022
انگلش ٹیم کے کپتان کا کہنا تھا کہ ہم نے بھی اچھی کرکٹ کھیلی اور رنز بھی زیادہ بنائے تھے امید یہی تھی کہ وکٹ اسپنرز کے لیے سازگار ہے لیکن بابر اور رضوان کی بیٹنگ شاندار رہی۔
واضح رہے کہ پاکستان اور انگلینڈ کے درمیان جاری 7 میچوں کی سیریز 1-1 سے برابر ہوگئی ہے دونوں ٹیموں کے درمیان تیسرا ٹی 20 کل کھیلا جائے گا۔
from ARYNews.tv | Urdu – Har Lamha Bakhabar https://ift.tt/yDpJn9B
No comments:
Post a Comment