ورسٹائل اداکار نصرالدین شاہ نے ’غدر ٹو‘ جیسی فلم کی کامیابی پریشانی کا اظہار کرتے ہوئے کہا ہے کہ جنونیت کی وجہ سے فلموں کو کامیابی ملنا نقصان دہ ہے۔
بھارت کے سیکولر تشخص کو لے کر پریشان معروف اداکار نصیرالدین شاہ سمجھتے ہیں کہ اس طرح کی فلموں کی کامیابی نہ صرف پریشان کن ہے بلکہ خطرے کی بات ہے کہ لوگ کس طرح کی چیزیں دیکھنا پسند کررہے ہیں۔
جاندار اداکاری کی وجہ سے معروف نصیرالدین شاہ نے کہا کہ ’کیرالا اسٹوری‘ یا ’غدر 2‘ جیسی فلمیں میں نے دیکھیں تو نہیں ہیں تاہم اچھے سے اندزاہ ہے کہ ان فلموں میں کس طرح کا مواد موجود ہے۔
ملکی ذرائع ابلاغ سے گفتگو کرتے ہوئے انھوں نے کہا کہ بھارت میں یہ عنصر غالب ہوگیا ہے کہ جس قدر جنونی قسم کے محب وطن آپ ہوں گے، اتنے ہی مقبول ہوجائیں گے۔
نصیر کا کہنا تھا کہ فلموں کی مقبولیت کا انحصار جنونیت پر ہوگیا ہے جو کہ انتہائی نقصان دہ ہے۔ اپنے وطن سے محبت کو ثابت کرنے کے لیے اب آپ کو ڈھول پیٹنا پڑتا ہے جب کہ فرضی دشمن بھی بنانا پڑتے ہیں۔
from ARYNews.tv | Urdu – Har Lamha Bakhabar https://ift.tt/hjempFx
No comments:
Post a Comment