کراچی : سول ایوی ایشن اتھارٹی نے ملک بھر کے بڑے ایئرپورٹس پر مربوط سیکیورٹی کیلئے اہم اقدامات کا فیصلہ کیا ہے۔
اس حوالے سے ذرائع کا کہنا ہے کہ ملک کے تمام بڑے انٹرنیشنل ایئر پورٹس پرعالمی معیار کی سیکیورٹی کو مزید مؤثر بنانے کے لیے جدید اسٹیٹ آف آرٹ بیگجز اسکیننگ مشینیں نصب کر نے کا فیصلہ کیا گیا ہے۔
رواں سال نومبر تک 29جدید بیگجز اسکیننگ مشینوں کی تنصیب کا عمل مکمل ہوجائے گا، اس اقدام کا مقصد مسافروں اور ان کے سامان کی اسکیننگ جدید طرز پر کرنا ہے۔
ائرپورٹ پورٹس پر لگی ہوئی تمام پرانی اسکیننگ مشینوں کو ہٹا دیا جائے گا، اس کے علاوہ ملک کے بڑے ایئرپورٹس پر 30 سے زائد جدید واک تھرو گیٹ نصب کئے جائیں گے۔
ذرائع کا کہنا ہے کہ جدید ٹیکنالوجی سے لیس واک تھرو گیٹ کی خریداری کے لئے ٹینڈر جاری کئے جائیں گے۔20واک تھرو گیٹ تمام ائیرپورٹس پر نصب کئے جائیں گے دس واک تھرو گیٹ اضافی ہوں گے۔
یاد رہے کہ برطانیہ کی جانب سے پاکستانی ایئر پورٹس کے لیے جدید اسکیننگ مشینوں کا تحفہ دیا گیا ہے، جدید اسٹیٹ آف آرٹ اسکیننگ مشین علامہ اقبال انٹرنیشنل ایئرپورٹ پر نصب کردی گئی۔
from ARYNews.tv | Urdu – Har Lamha Bakhabar https://ift.tt/0AQp7zG
No comments:
Post a Comment