روس سے ایل پی جی کی بڑی کھیپ پاکستان پہنچ گئی

کراچی : پاکستان کو آج روس سے 100,000 میٹرک ٹن مائع پیٹرولیم گیس (ایل پی جی) کی پہلی کھیپ موصول ہوگئی ہے۔

تفصیلات کے مطابق روس سے تیل کے بعد پاکستان کو ایل پی جی گیس کی فراہمی بھی شروع ہوگئی ہے، ایران کے راستے ایل پی جی کی پہلی کھیپ پاکستان پہنچ گئی۔

سماجی رابطے کی ویب سائٹ ایکس (سابقہ ٹویٹر) پر ایک پیغام میں پاکستان میں روسی سفارت خانے نے کہا ہے کہ ماسکو نے پاکستان کو 100 ہزار میٹرک ٹن مائع پٹرولیم گیس (ایل پی جی) کی پہلی کھیپ پہنچا دی گئی ہے۔

Russia has delivered the first batch of liquefied petroleum gas (LPG) in the amount of 100 thousand metric tons to Pakistan through Iran's Sarakhs Special Economic Zone. Consultations on the second shipment are underway
pic.twitter.com/AZJwf5f9I5

— RusEmbassy_Pakistan (@RusEmbPakistan) September 26, 2023

روسی قونصل خانہ کے مطابق روس نے ایل پی جی کی ایک لاکھ میٹرک ٹن کی کھیپ فراہم کی ہے، مذکورہ کھیپ ایران کے خصوصی اقتصادی زون کے ذریعے پاکستان کو فراہم کی گئی۔

سفارت خانے کا مزید کہنا ہے کہ ایل پی جی کی دوسری کھیپ کے لیے مشاورت کا سلسلہ جاری ہے۔

مزید پڑھیں : روس سے تیل اور ایل این جی خریدنے کے حوالے سے اہم پیش رفت

واضح رہے کہ گزشتہ سال دسمبر میں روس سے کم قیمت پر تیل اور ایل این جی خریدنے کے حوالے سے اہم پیش رفت ہوئی تھی۔

اس سلسلے میں پاکستان اور روس کے وزارت توانائی حکام کے درمیان آن لائن اجلاس ہوا جس میں روس سے کم قیمت پر تیل کی خریداری کے اُمور پر بات چیت ہوئی تھی۔

from ARYNews.tv | Urdu – Har Lamha Bakhabar https://ift.tt/n6Fb7d8