لاہور : حکومت پنجاب نے پنجاب پرائس کنٹرول اسپشنل کموڈیٹیز آرڈنینس جاری کردیا، جس کے تحت پرائس کنٹرول کونسل کا قیام عمل میں لایا گیا ہے۔
تفصیلات کے مطابق پنجاب پرائس کنٹرول اسیشنل کموڈیٹیزآرڈنینس کے تحت پرائس کنٹرول کونسل قائم کردی گئی ہے جس کے چیئر پرسن وزیر صنعت ہوں گے۔
آرڈنینس کے مطابق اب سے پرائس کنٹرول کونسل اشیاء خورد ونوش کی قیمتوں کا تعین کرے گی، پرائس کنٹرول کونسل ذخیرہ اندوزوں کیخلاف بھی کارروائی کرسکے گی۔
اس کے علاوہ پرائس کنٹرول کونسل ضلع کی سطح پر اشیاء خورد ونوش کی آمد اور اخراج کا ریکارڈ مرتب کرے گی۔
مذکورہ کونسل اشیاء فروخت کرنے والوں کو دکانوں پر نرخ نامہ آویزاں کرنے کا پابند کرے گی، صوبائی وزیر زراعت، وزیر خوراک، چیف سیکرٹری اور متعلقہ سیکرٹریز شامل ہیں۔
آرڈیننس کے بعد پرائس کنٹرول مجسٹریٹ اب حکومت پنجاب کے تحت کام کریں گے، پرائس کنٹرول مجسٹریٹ اس سے قبل وفاقی حکومت کی ہدایت پر عمل کررہے تھے۔
from ARYNews.tv | Urdu – Har Lamha Bakhabar https://ift.tt/ULZbXFr
No comments:
Post a Comment