امریکا کی کوششوں سے غزہ میں جنگ بندی ممکن ہوئی، امریکی صدر

امریکی صدر جوبائیڈن نے کہا ہے کہ خوشی کا موقع ہے 13اسرائیلی یرغمالی رہا ہوکر اپنوں سے جاملے، انہوں نے کہا کہ امریکا کی کوششوں سے غزہ میں جنگ بندی ممکن ہوئی۔

غیر ملکی ذرائع ابلاغ کے مطابق امریکی صدر جو بائیڈن نے کہا کہ جنگ بندی کیلئے خطے کے لیڈرز کو اوول آفس سے متعدد کالز کی گئیں، ہماری کوشش تھی پہلے مرحلے میں 50 سے زائد اسرائیلی رہا کرالئے جائیں۔

امریکی صدر نے کہا ہے کہ آج 13 اسرائیلیوں کو رہا کردیا گیا جس میں خواتین شامل ہیں، امریکا جنگ بندی پر زور دیتا رہا تاکہ اسرائیلیوں کو رہا کرایا جاسکے۔

جوبائیڈن نے کہا کہ جنگ بندی ممکن بنانے پر امیر قطر، مصر ی صدر اور نیتن یاہو کاشکر گزار ہوں، امید ہے آئندہ دنوں میں مزید اسرائیلی قیدی رہا ہوجائیں گے۔

امریکی صدر کا کہنا ہے کہ جنگ بندی کی وجہ سے غزہ کے لوگوں کو امدادی سامان پہنچ سکے گا، ایسا طریقہ کار بنایا ہے کہ خوراک، دوائیں، پانی حماس کے ہاتھ نہ لگے۔

دوسری جانب غزہ جنگ بندی معاہدہ کے تحت حماس نے13 اسرائیلی اور 12 تھائی یرغمالیوں کو رہا کر دیا۔

حماس اور اسرائیل کے مابین جنگ بندی معاہدے پر عملدرآمد شروع ہو گیا ہے۔ معاہدے کے تحت یرغمالیوں اور قیدیوں کے تبادلے ہو رہے ہیں۔

مصر اور قطر کی ثالثی کی کوششوں کے نتیجے میں 12 تھائی یرغمالیوں اور 13 اسرائیلیوں کی رہائی ہوئی ہے، جن میں خواتین اور بچے بھی شامل ہیں۔

وزیر اعظم کا کہنا ہے کہ تھائی لینڈ کے 12 کارکنوں کو رہائی ملی ہے۔ تھائی لینڈ کی وزیر اعظم سریتھا تھاوسین نے سوشل میڈیا پوسٹ میں کہا ہے کہ حکومت کو تصدیق ملی ہے کہ غزہ میں قید 12 تھائی کارکنوں کو حماس نے رہا کر دیا ہے۔

اسرائیل کی جانب سے 39 فلسطینی قیدی رہا کر دیئیگئے ہیں جن میں خواتین کی تعداد زیادہ ہے۔ قیدیوں کو شناخت اور میڈیکل کے بعد گھر بھیجا جائے گا۔

from ARYNews.tv | Urdu – Har Lamha Bakhabar https://ift.tt/3b1XCjG