نوجوانوں میں امراض قلب اور اموات کی وجوہات کیا ہیں؟

ہمارے معاشرے میں دل کے امراض کو بڑی عمر کے افراد سے منسوب سمجھا جاتا ہے لیکن اب معاملات بدلتے دکھائی دے رہے ہیں اور دل کے دورے کی شکایات نوجوانوں میں بھی پائی جارہی ہیں۔

اس کی وجوہات اور احتیاطی تدابیر کے حوالے سے اے آر وائی نیوز باخبر سویرا میں اسسٹنٹ پروفیسر اینڈروکرونولوجی ڈاکٹر سید محمد حسن نے ناظرین کو آگاہ کیا۔

انہوں نے کہا کہ بہت سے خاندانوں میں ذیابیطس، بلڈ پریشر اور امراض قلب موروثی ہوتے ہیں ایسے خاندانوں کو گھر کے تمام افراد کی اسکریننگ کروانی چاہیے۔

ڈاکٹر سید محمد حسن کا کہنا ہے کہ زیادہ تر نوجوان ہائی بلڈ پریشر، ذیابیطس، موٹاپا اور تمباکو نوشی کا شکار ہیں، جس کی وجہ سے دل کے امراض میں بھی اضافہ ہورہا ہے۔

کون سے ٹیسٹ کرانے لازمی ہیں؟

انہوں نے بتایا کہ 35 سے چالیس سال تک افراد کو کم از کم ایک بار بلڈ اور شوگر ٹیسٹ کروانا چاہیے، اس کے علاوہ کولیسٹرول چیک اور ای سی جی بھی کروائیں اور ساتھ ہی آنکھوں کا معائنہ بھی لازمی کروائیں۔

ان کا کہنا تھا کہ حقیقت سے آنکھیں نہیں پھیرنی چاہیئں بہت سے ایسے خاموش امراض ہیں جن کا علم ٹیسٹ کرانے کے بعد ہی ہوتا ہے جس کے بعد اس پر قابو پانا آسان ہے۔

from ARYNews.tv | Urdu – Har Lamha Bakhabar https://ift.tt/b05nxqs