نامور ہالی ووڈ اسٹار انجلینا جولی کے محافظ کو یوکرین میں پکڑ لیا گیا۔
غیرملکی خبرساں ادارے کی رپورٹ کے مطابق ہالی ووڈ اداکارہ انجلینا جولی کے محافظ کو فوجی بنانے کے لیے یوکرینی سپاہی اپنے ساتھ لے گئے۔
یوکرینی سپاہیوں کا کہنا ہے کہ یہ ہمارے ساتھ مل کر روس سے جنگ لڑے گا۔
امریکی اداکارہ علم میں آتے ہی بھرتی کے مرکز پہنچ گئیں اور اپنے محافظ کو چھڑا لائیں، واضح رہے کہ انجلینا جولی اظہار یکجہتی کے لے یوکرین پہنچی تھیں۔
واضح رہے کہ انجلینا جولی معروف اداکارہ وفلم ساز ہونے کے علاوہ اقوامِ متحدہ(یو این) کی خصوصی مندوب برائے مہاجرین بھی ہیں، گزشتہ دنوں وہ یوکرینی شہر لیویو کے دورے کے موقع پر پناہ گزینوں سے ملیں اور ان میں کھانا تقسیم کیا۔ اداکارہ نے بیکری اور کیفے کا بھی دورہ کیا جہاں جنگ کے باعث بے گھر ہونے والے شہری موجود تھے۔
رپورٹ میں بتایا گیا تھا کہ انجلینا کو وہاں دیکھ کر مداح حیران رہ گئے، کئی پرستاروں نے اداکارہ کے ساتھ سیلفی بنوائی، اس موقع پر انہوں نے یوکرینیوں کی حوصلہ افزائی بھی کی۔
اداکارہ نے اقوام متحدہ کے رضاکاروں سے بھی ملاقات کی اور ان کے انسانیت کے جذبے کو سراہا۔ انجلینا نے رہائشی اسکول کا دورہ کیا اور طالب علموں سے شفقت سے پیش آئیں اور یقین دلایا کہ وہ دوبارہ بھی اسکول آئیں گی۔
from ARYNews.tv | Urdu – Har Lamha Bakhabar https://ift.tt/suXwiQl
No comments:
Post a Comment