اسلام آباد: الیکشن کمیشن نے بیوروکریسی سے متعلق بڑا فیصلہ کرلیا، 3 سال سے زائد صوبوں میں تعینات افسران کو وفاق بلانے کی ہدایت کردی۔
تفصیلات کے مطابق الیکشن کمیشن نے سیکریٹری اسٹیبلشمنٹ ڈویژن کومراسلہ جاری کردیا ہے جس میں ہدایت کی گئی ہے کہ 3 سال سے زائد صوبوں میں تعینات افسران کو وفاق بھیج دیا جائے۔
سیکرٹریٹ گروپ، او ایم جی، ایکس کیڈر افسران کو فوراً وفاق رپورٹ کرنے کی ہدایت کی گئی ہے، پولیس، پاکستان ایڈمنسٹر یٹو سروس کے سوا تمام کیڈر کے افسروں کو واپس بلانے کی ہدایت جاری کی گئی ہے۔
الیکشن کمیشن آف پاکستان کی جانب سے جو مراسلہ بھیجا گیا ہے اس میں کہا گیا ہے کہ افسران کی فہرست 3 سے 4 روز میں فراہم کی جائیں۔
اس سے قبل الیکشن کمیشن نے نگراں حکومت بلوچستان کو 170 افسران کے تقرر و تبادلوں کی اجازت دی تھی ، الیکشن کمیشن نے بلوچستان حکومت کی درخواست پر تقرر اور تبادلوں کی اجازت دی تھی۔
from ARYNews.tv | Urdu – Har Lamha Bakhabar https://ift.tt/VqBTAh3
No comments:
Post a Comment